کراچی کے ایک فائیو اسٹار ہوٹل کو 28 سال پہلے چوری ہونے والی کار کے نمبر پر 10 ہزار روپے کا ای چالان موصول ہو گیا۔ ہوٹل کی ملکیت کار نمبر AAR-540 مئی 1997 میں شاہراہ فیصل پر فیاض سینٹر کے قریب پارکنگ سے چوری ہوئی تھی، جس کی ایف آئی آر 122/97 صدر تھانے میں ہوٹل کے ملازم زاہد کی مدعیت میں 22 مئی 1997 کو درج کی گئی تھی۔
عدالتی احکامات تک لاہور کے پارکوں میں کوئی تعمیراتی کام نہیں ہوگا، تحریری حکم جاری
پولیس آج تک اس گاڑی کو برآمد نہیں کر سکی، تاہم گزشتہ ہفتے ہوٹل انتظامیہ کو اسی گاڑی کی نمبر پلیٹ پر ٹریفک قوانین کی خلاف ورزی کے الزام میں 10 ہزار روپے کا ای چالان موصول ہوا۔ ہوٹل انتظامیہ نے جرمانہ ادا کرنے پر آمادگی ظاہر کی ہے لیکن شرط رکھی ہے کہ پہلے کراچی پولیس 28 سال قبل چوری ہونے والی گاڑی کو برآمد کرے۔
