خیبر پختونخوا کے ایک ضلع میں تین روزہ تعطیلات کا اعلان کردیا گیا ہے اور اس دوران تمام سرکاری و نجی اسکول بند رہیں گے۔
تفصیلات کے مطابق مانسہرہ کے حلقہ NA-18 میں ضمنی انتخاب کے باعث ضلعی انتظامیہ نے 22، 23 اور 24 نومبر کو تین روزہ مقامی تعطیلات کا اعلان کیا ہے۔ نوٹیفکیشن کے مطابق انتخابی سرگرمیوں کے دوران کسی ناخوشگوار صورتحال سے بچنے کے لیے تمام سرکاری و نجی اسکول تین روز بند رہیں گے۔ حلقے میں ضمنی انتخاب 23 نومبر 2025 کو ہوگا۔
کالعدم ٹی ایل پی کے 23 ارب 40 کروڑ کے اثاثے 92 بنک اکاؤنٹس منجمد
بلوچستان کے سرد علاقوں میں سرکاری اسکول 16 دسمبر سے ڈھائی ماہ کے لیے بند رہیں گے اور طلبہ کو طویل سردیوں کی چھٹیاں دی جائیں گی۔ چمن میں جماعت اول سے ساتویں تک امتحانات 16 سے 24 نومبر تک جاری ہیں جبکہ جماعت ہشتم کے بورڈ امتحانات 24 نومبر سے شروع ہوں گے۔
پنجاب میں موسمِ سرما کی تعطیلات 23 دسمبر 2025 سے 11 جنوری 2026 تک ہوں گی اور اسکول 13 جنوری 2026 کو دوبارہ کھلیں گے۔ ملک بھر میں امتحانات اور سردیوں کی چھٹیوں کا سیزن شروع ہونے کے باعث اسکولوں کی سرگرمیاں تیز ہو گئی ہیں۔
دوسری جانب پنجاب میں اسموگ کے باعث اسکول جلد بند کرنے کی افواہیں زیر گردش تھیں تاہم صوبائی حکام نے واضح کیا ہے کہ اس حوالے سے تاحال کوئی فیصلہ نہیں کیا گیا۔
