چین نے فوج میں بدعنوانی کے الزامات پر 9 اعلیٰ فوجی افسران کو عہدوں سے برطرف کر دیا، جن میں صدر شی جن پنگ کے قریبی سمجھے جانے والے دو سینیئر جنرلز بھی شامل ہیں۔
عالمی خبر رساں ادارے کے مطابق برطرف کیے گئے افسران میں چین کی طاقتور مرکزی فوجی کمیشن (CMC) کے نائب چیئرمین اور پولٹ بیورو کے رکن جنرل ہی وی ڈونگ بھی شامل ہیں۔
کیا فاطمہ ثنا نے بھارتی کھلاڑی کے پاؤں چھوئے تھے؟ تصویر وائرل
اس اقدام کے بعد CMC میں اب صرف چار ارکان باقی رہ گئے ہیں، جن میں صدر شی جن پنگ بھی شامل ہیں۔ وزارتِ دفاع کے مطابق ان افسران پر پارٹی نظم و ضبط کی سنگین خلاف ورزیوں اور مالی بدعنوانی کے سنگین الزامات ہیں۔
چینی وزارتِ دفاع کا کہنا ہے کہ یہ کارروائیاں بدعنوانی کے خلاف حکومت کی زیرو ٹالرنس پالیسی اور فوجی اداروں کو شفاف بنانے کے عزم کی عکاس ہیں۔
یہ فیصلے اس وقت کیے گئے ہیں جب چین کی کمیونسٹ پارٹی کی مرکزی کمیٹی کا اہم اجلاس شروع ہونے والا ہے۔
