مشہور یوٹیوبر اور ولاگر رجب بٹ ایک بار پھر سوشل میڈیا کی توجہ کا مرکز بن گئے ہیں۔ کبھی متنازع بیانات، کبھی جھگڑوں اور قانونی معاملات کے باعث خبروں میں رہنے والے رجب بٹ اس بار اپنی ذاتی زندگی سے متعلق افواہوں کے باعث زیرِ بحث ہیں۔
اس وقت رجب بٹ برطانیہ میں مقیم ہیں جہاں ان کے خلاف مختلف مقدمات زیرِ سماعت ہیں۔ حال ہی میں وہ ایک پوڈکاسٹ میں شریک ہوئے، جہاں ان سے ذاتی نوعیت کے کئی سوالات پوچھے گئے۔ ان میں سب سے زیادہ توجہ ان کے اور ٹک ٹاکر فاطمہ خان کے مبینہ تعلق سے متعلق سوال نے حاصل کی۔
کچھ عرصہ قبل فاطمہ خان نے دعویٰ کیا تھا کہ ان کا رجب بٹ سے تعلق رہا ہے، اور انہوں نے مبینہ تحائف سوشل میڈیا پر شیئر بھی کیے تھے۔ تاہم، رجب بٹ نے ان تمام الزامات کی سختی سے تردید کرتے ہوئے کہا کہ فاطمہ خان کے پاس کوئی ثبوت، پیغامات یا رسیدیں موجود نہیں، یہ سب جھوٹا پروپیگنڈا ہے جس کا حقیقت سے کوئی تعلق نہیں۔
جب میزبان نے ان سے اہلیہ ایمان کے ردِعمل کے بارے میں سوال کیا تو رجب بٹ نے مسکراتے ہوئے جواب دیا کہ ایمان کو ان باتوں سے کوئی فرق نہیں پڑتا، وہ جانتی ہیں کہ ان کے رشتے میں ان کی کتنی اہمیت ہے۔
انہوں نے مزید کہا کہ ایمان ہمیشہ ان کے ساتھ کھڑی رہتی ہیں، حالات جیسے بھی ہوں، وہ ایک دوسرے پر مکمل اعتماد رکھتے ہیں۔
رجب بٹ کا یہ انٹرویو سامنے آتے ہی سوشل میڈیا پر وائرل ہوگیا، جہاں صارفین کی جانب سے مختلف آرا سامنے آرہی ہیں۔ کچھ لوگ ان کے اعتماد اور صاف گوئی کی تعریف کر رہے ہیں، جبکہ کچھ اب بھی اس تنازعے پر شکوک و شبہات کا اظہار کر رہے ہیں۔
