انٹرنیشنل کرکٹ کونسل (آئی سی سی) نے ستمبر 2025 کے پلیئر آف دی منتھ کے لیے نامزدگیوں کا اعلان کر دیا۔
مردوں کے زمرے میں بھارت کے ابھشیک شرما، کلدیپ یادو اور زمبابوے کے برائن بینیٹ کو نامزد کیا گیا ہے، جبکہ خواتین کے زمرے میں بھارت کی سمرتی مندھانا، جنوبی افریقہ کی تزمین برِٹس اور پاکستان کی اوپننگ بلے باز سدرہ امین شامل ہیں۔
پاکستانی اوپنر سدرہ امین نے جنوبی افریقہ کے خلاف ون ڈے سیریز میں شاندار کارکردگی دکھاتے ہوئے نمایاں کارکردگی کا مظاہرہ کیا۔ وہ سیریز میں سب سے زیادہ رنز بنانے والی کھلاڑی رہیں۔
سدرہ نے تین میچوں میں مجموعی طور پر 293 رنز اسکور کیے، جن میں دو سنچریاں اور ایک نصف سنچری شامل ہیں۔
