پاکستان کے ٹیسٹ کرکٹر کامران غلام شادی کے بندھن میں بندھ گئے۔ ان کے ولیمے کی تقریب پشاور میں منعقد ہوئی جس میں اہلِ خانہ، دوست احباب اور معروف قومی کرکٹرز نے شرکت کی۔
تقریب میں محمد رضوان، فخر زمان، افتخار احمد، نسیم شاہ، صاحبزادہ فرحان اور ساجد خان سمیت متعدد ساتھی کھلاڑیوں اور مقامی کرکٹرز نے شرکت کی۔
شرکائے تقریب نے کامران غلام کو شادی کی مبارکباد دی اور زندگی کی نئی اننگز کے آغاز پر نیک خواہشات کا اظہار کیا۔
یاد رہے کہ گزشتہ روز ہی قومی کرکٹر ابرار احمد بھی رشتہ ازدواج میں منسلک ہوئے تھے، جن کے ولیمے کی تقریب 6 اکتوبر کو منعقد ہوگی۔
