نیو یارک: نائب وزیراعظم و وزیر خارجہ اسحاق ڈار نے کہا ہے کہ اب وقت آ چکا ہے کہ فلسطینی ریاست کو اقوام متحدہ کی مکمل رکنیت دی جائے۔
اقوام متحدہ میں اسرائیل و فلسطین کے دو ریاستی حل سے متعلق عالمی کانفرنس سے خطاب کرتے ہوئے اسحاق ڈار نے کہا کہ:
-
غزہ میں فوری اور مستقل جنگ بندی کی جائے،
-
خوراک اور انسانی امداد کی بلا تعطل فراہمی یقینی بنائی جائے،
-
جنگی جرائم کے مرتکب افراد کو سزا دی جائے،
-
اور انسانیت کے خلاف جرائم کا سلسلہ بند کیا جائے۔
انہوں نے کہا کہ فلسطین کا مسئلہ پچھلے 75 برس سے حل طلب ہے اور اس کا حل صرف سیاسی ناکامی نہیں بلکہ اس کے پیچھے کئی دیگر عوامل بھی ہیں۔ انہوں نے انسانی جان کے ضیاع کو بین الاقوامی قوانین کی سنگین خلاف ورزی قرار دیا۔
اس موقع پر اسحاق ڈار نے واضح کیا کہ:
-
پاکستان ہمیشہ فلسطینی عوام کے حق خودارادیت کی بھرپور حمایت کرتا رہا ہے اور یہ حمایت آئندہ بھی جاری رہے گی۔
-
انہوں نے فرانس کی جانب سے فلسطینی ریاست کو تسلیم کیے جانے کے فیصلے کا خیرمقدم کیا،
-
اور کانفرنس کی میزبانی پر سعودی عرب اور فرانس کو خراجِ تحسین پیش کیا۔
قبل ازیں اقوام متحدہ کے سیکرٹری جنرل انتونیو گوتریس نے بھی عالمی کانفرنس سے خطاب کرتے ہوئے فوری جنگ بندی پر زور دیا اور کہا کہ غزہ میں انسانی بحران انتہائی سنگین حد کو پہنچ چکا ہے۔
