وینزویلا کے سیاسی بحران کے بعد عالمی منڈی میں تیل کی قیمتیں گر گئی ہیں۔ غیر ملکی خبر ایجنسی کے مطابق ایشیائی مارکیٹ میں برینٹ خام تیل کی قیمت میں 0.63 فیصد کمی ہوئی ہے اور یہ 60.37 ڈالر فی بیرل میں فروخت ہوا ہے۔ اس کے علاوہ ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں 0.70 فیصد کمی ریکارڈ کی گئی ہے، جس کے بعد ڈبلیو ٹی آئی خام تیل کی فی بیرل قیمت 56.92 ڈالر ہو گئی ہے۔
تمام وائرس صحت کے نقصان دہ نہیں، کچھ فائدہ مند بھی ہوسکتےہیں، تحقیق
واضح رہے کہ امریکی فوج نے وینزویلا کے دارالحکومت سمیت مختلف مقامات پر حملے کیے اور صدر نکولس مادورو اور ان کی اہلیہ کو گرفتار کر کے امریکا منتقل کر دیا ہے۔ وینزویلا کے دارالحکومت کاراکس میں دھماکے ہوئے اور شہر کے مختلف علاقوں میں طیاروں کی نچلی پروازیں بھی دیکھی گئیں۔ امریکی میڈیا کے مطابق وینزویلا میں امریکی صدر ڈونلڈ ٹرمپ نے ان حملوں کا حکم دیا تھا، جس کے نتیجے میں کاراکس میں کم از کم 7 دھماکے ہوئے۔ دنیا کے سب سے بڑے تیل ذخائر رکھنے کے باوجود وینزویلا طویل عرصے سے معاشی مشکلات کا شکار رہا ہے اور حالیہ فوجی کارروائی کے دوران صدر مادورو نے مخالفین کو "بزدلو! آؤ مجھے پکڑ کے دکھاؤ” کہہ کر للکارا تھا۔
