قاہرہ: مصر میں حماس اور اسرائیل کے درمیان ہونے والے غزہ مذاکرات کا پہلا دن مثبت انداز میں اختتام پذیر ہوا۔
عرب میڈیا کے مطابق، دونوں فریقین کے درمیان بالواسطہ مذاکرات مصر کے شہر شرم الشیخ میں جاری ہیں، جہاں حماس وفد کی قیادت سینئر رہنما خلیل الحیہ کر رہے ہیں۔
پاکستان نرسنگ اینڈ مڈوائفری کونسل کی جانب سے ملک بھر میں 38 جعلی نرسنگ کالجز کی فہرست جاری
ذرائع کے مطابق، مذاکرات کے پہلے روز قیدیوں اور یرغمالیوں کے تبادلے، جنگ بندی اور غزہ میں انسانی امداد کی فراہمی جیسے اہم امور پر بات چیت کی گئی۔
باخبر ذرائع نے بتایا کہ مذاکرات میں کچھ پیش رفت سامنے آئی ہے، جس کے بعد بات چیت آج دوسرے دن بھی جاری رہے گی۔
دوسری جانب، حماس کے وفد نے ثالثوں کے ذریعے یہ مؤقف پیش کیا کہ اسرائیلی بمباری قیدیوں کی رہائی سے متعلق مذاکرات میں سب سے بڑی رکاوٹ بنی ہوئی ہے۔
