این اے 130 لاہور سے نواز شریف کی کامیابی درست قرار، یاسمین راشد کی درخواست مسترد

الیکشن ٹربیونل نے این اے 130 لاہور سے نواز شریف کی کامیابی کا نوٹیفکیشن درست قرار دے دیا ہے۔ الیکشن ٹربیونل نے ڈاکٹر یاسمین راشد کی نواز شریف کے خلاف دائر کردہ درخواست خارج کرتے ہوئے این اے 130 لاہور سے مسلم لیگ ن کے صدر کی کامیابی کے نوٹیفکیشن کو برقرار رکھا ہے۔ نواز شریف کی جانب سے بیرسٹر اسد اللہ چٹھہ نے عدالت میں دلائل دیے جس کے بعد الیکشن ٹریبونل کے جج رانا زاہد محمود نے فیصلہ سناتے ہوئے ڈاکٹر یاسمین راشد کی درخواست کو مسترد کر دیا۔

پشاور سے کراچی جانے والی رحمان بابا ایکسپریس دو حصوں میں تقسیم

یاد رہے کہ فروری 2024 کے عام انتخابات میں لاہور سے قومی اسمبلی کی نشست این اے 130 پر نواز شریف 171024 ووٹ لے کر کامیاب قرار پائے تھے جبکہ آزاد امیدوار ڈاکٹر یاسمین راشد نے 115043 ووٹ حاصل کیے تھے۔ ڈاکٹر یاسمین راشد نے ان انتخابی نتائج اور نواز شریف کی کامیابی کو الیکشن ٹربیونل میں چیلنج کر رکھا تھا جسے اب عدالت نے خارج کر دیا ہے۔