اڑان پاکستان کے ستون ای پاکستان کے تحت پاکستان کو ڈیجیٹائز بنا رہے ہیں،احسن اقبال

**احسن اقبال نے اعلان کیا: اڑان پاکستان وژن کے تحت ای پاکستان حکمت عملی تشکیل دی گئی**

وفاقی وزیر منصوبہ بندی احسن اقبال نے کہا ہے کہ حکومت نے "اڑان پاکستان وژن” کے تحت "ای پاکستان حکمت عملی” تشکیل دی ہے تاکہ ملک کو ڈیجیٹل معیشت اور جدید ٹیکنالوجی میں مسابقتی اور مضبوط بنایا جا سکے۔

رواں ماہ غیر قانونی طور پر سمندر کے راستے ایران جانے والے 257 ملزمان گرفتار

اے آئی رائیز ایکسپو 2025 سے خطاب کرتے ہوئے وفاقی وزیر نے کہا کہ برآمدات، ڈیجیٹل معیشت اور جدت "اڑان پاکستان” کے تین ستون ہیں جن پر ملکی ترقی کا دارومدار ہے۔ انہوں نے زور دیا کہ حکومت کا مقصد پاکستان کو ٹیکنالوجی سے لیس، مسابقتی اور جدید قوم بنانا ہے۔

احسن اقبال نے اعلان کیا کہ پاکستان خلائی میدان میں ترقی کے لیے پرعزم ہے اور حکومت نے تین نئے نیشنل سینٹرز قائم کرنے کا فیصلہ کیا ہے جو کوانٹم کمپیوٹنگ، نینو ٹیکنالوجی اور نئی مینوفیکچرنگ پر مرکوز ہوں گے۔ انہوں نے کہا کہ کوانٹم ٹیکنالوجی مستقبل کی عالمی مسابقت کا فیصلہ کرے گی اور پاکستان میں قائم ہونے والی "کوانٹم ویلی” ملک کی ڈیپ ٹیک معیشت کا مرکز بنے گی۔

انہوں نے بتایا کہ مصنوعی ذہانت پاکستان کی معاشی طاقت کا نیا انجن ہے اور ٹیکنالوجی میں سبقت حاصل کرنے والی قومیں ہی عالمی معیشت کی قیادت کریں گی۔ ان کا کہنا تھا کہ پاکستان میں صنعتوں کو جدید بنانے کے لیے روبوٹکس کو لازمی قرار دیا گیا ہے، جبکہ سیٹلائٹ ٹیکنالوجی خوراک، تجارت اور مواصلات کے شعبوں کو مضبوط بنا رہی ہے۔

احسن اقبال نے بتایا کہ حکومت یونیورسٹی کی تحقیق کو صنعت اور برآمدات سے منسلک کرنے پر بھی بھرپور کام کر رہی ہے تاکہ نوجوان محققین اور سائنسی استعداد ملک کی معیشت میں فعال کردار ادا کر سکیں۔