وزیراعظم کی نیشنل ریگولیٹری ریفارمز کو تیزی سے عملی شکل دینے کی ہدایت

وزیراعظم شہباز شریف نے نیشنل ریگولیٹری ریفارمز کو تیزی سے عملی شکل دینے کی ہدایت کر دی ہے۔

لاہور میں نیشنل ریگولیٹری ریفارمز کی افتتاحی تقریب سے خطاب کرتے ہوئے وزیراعظم شہباز شریف نے کہا کہ اس پروگرام کو تیز رفتاری سے نافذ کیا جائے تاکہ عوام حقیقی تبدیلی کو محسوس کر سکیں۔

پاکستان ہاکی ٹیم کی پرو لیگ میں شرکت، مستقبل کی تیاری کی جانب اہم قدم

وزیراعظم کا کہنا تھا کہ پشاور سے کراچی تک ایسی تبدیلی نظر آنی چاہیے جو صرف باتوں تک محدود نہ ہو بلکہ عملی اقدامات کی صورت میں سامنے آئے۔ انہوں نے کہا کہ نیشنل ریگولیٹری ریفارمز ایک بڑا اور انقلابی قدم ہے جو کاروباری برادری اور زرعی صنعت کے لیے سہولت کا باعث بنے گا۔

شہباز شریف نے کہا کہ پاکستان معاشی طور پر بحران سے نکل چکا ہے، معاشی اعشاریے بہتر ہوئے ہیں اور اب معیشت کی پائیدار ترقی کے لیے غیر ملکی سرمایہ کاروں کو راغب کرنے کی ضرورت ہے۔