71 کی جنگ میں پاک بحریہ دشمن کیلئے سیسہ پلائی دیوار تھی، آج بھی ملکی بحری سرحدوں پر آہنی فصیل ہے: فیلڈ مارشل

چیف آف ڈیفنس اسٹاف فیلڈ مارشل سید عاصم منیر نے کہا ہے کہ 1971 کی جنگ میں پاک بحریہ دشمن کے لیے سمندر میں سیسہ پلائی دیوار تھی اور آج بھی ملکی بحری سرحدوں پر آہنی فصیل قائم ہے۔

الیکشن کمیشن نے اسلام آباد میں بلدیاتی انتخابات کا شیڈول جاری کردیا

پاک بحریہ 9 دسمبر کو "ہنگور ڈے” کے طور پر منا رہی ہے، جو آبدوز ہنگور کی بہادری اور پاکستان کے ناقابل تسخیر دفاع کی علامت ہے۔ فیلڈ مارشل عاصم منیر نے بیان میں کہا کہ پاکستان اپنی خودمختاری اور وطن کے دفاع کے لیے مضبوط عزم رکھتا ہے، اور 9 دسمبر 1971 کو آبدوز ہنگور کے عملے کی جانبازی آج بھی دشمن کے ذہن پر نقش ہے۔ یہ دن یہ باور کرواتا ہے کہ پاکستان امن کا خواہاں ہے۔

نیول چیف ایڈمرل نوید اشرف نے کہا کہ پاک بحریہ شاندار ماضی کی طرح آج بھی دشمن کے دانت کھٹے کرنے کے لیے ہمہ وقت تیار ہے۔ انہوں نے مزید کہا کہ 8 جدید ہنگور کلاس آبدوزیں جلد فلیٹ میں شامل ہو رہی ہیں۔

ہنگور ڈے کے موقع پر پاک بحریہ نے خصوصی دستاویزی فلم "ہدف” بھی جاری کی ہے۔