پاکستان میں تین ملکی ٹی 20 سیریز کا کامیاب انعقاد ہماری بڑی کامیابی ہے، وزیر اعظم

اسلام آباد: وزیر اعظم شہباز شریف نے کہا ہے کہ پاکستان میں تین ملکی ٹی 20 سیریز کا کامیاب انعقاد ہماری بڑی کامیابی ہے۔

وزیر اعظم شہباز شریف نے تین ملکی ٹی 20 سیریز کا فائنل جیتنے پر قوم کو مبارکباد دی۔ انہوں نے کہا کہ دونوں ٹیموں کے کھلاڑیوں نے پوری سیریز کے دوران بہترین پرفارمینس دی۔

اسلام آباد پولیس میں ریکارڈ ترقیوں کا اعلان، 1016 افسران اور اہلکار نئے عہدوں پر تعینات

شہباز شریف نے کہا کہ سری لنکا اور زمبابوے کے کھلاڑیوں نے پوری پاکستانی قوم کے دل جیت لیے۔ اور پاکستان میں تین ملکی ٹی 20 سیریز کا کامیاب انعقاد ہماری بڑی کامیابی ہے۔

انہوں نے کہا کہ فائنل میچ میں پاکستانی کھلاڑیوں نے بہترین کارکردگی دکھائی۔

واضح رہے کہ راولپنڈی میں پاکستان، زمبابوے اور سری لنکا پر مشتمل تین ملکی ٹی 20 سیریز کا فائنل پاکستان نے جیت لیا۔ فائنل پاکستان اور سری لنکا کے درمیان کھیلا گیا۔

پاکستان نے بہترین کھیل کا مظاہرہ کرتے ہوئے سری لنکا کو 6 وکٹوں سے شکست دی۔