فائرنگ سے رکن صوبائی اسمبلی کے بھائی جاں بحق

کوئٹہ: بلوچستان کے ضلع پنجگور میں نامعلوم مسلح افراد کی فائرنگ سے بلوچستان اسمبلی کے رکن رحمت صالح بلوچ کے بھائی، ولید صالح بلوچ، جاں بحق ہو گئے۔

ایس پی پنجگور کے مطابق واقعہ علاقے کے رہائشی علاقے میں پیش آیا جہاں نامعلوم حملہ آوروں نے ولید صالح بلوچ کو ان کے گھر کے سامنے فائرنگ کا نشانہ بنایا۔ فائرنگ کے نتیجے میں وہ موقع پر ہی دم توڑ گئے۔ پولیس نے لاش کو ضروری کارروائی کے لیے اسپتال منتقل کر دیا ہے جبکہ ملزمان کی تلاش کے لیے چھاپے مارے جا رہے ہیں۔

پاکستان ہماری ریڈ لائن ہے، اس کی طرف کسی کو میلی آنکھ سے دیکھنے نہیں دیں گے، نواز شریف
وزیر اعلیٰ بلوچستان سرفراز بگٹی نے واقعے کا نوٹس لیتے ہوئے کمشنر مکران ڈویژن اور ڈی آئی جی مکران سے رپورٹ طلب کر لی۔ انہوں نے ولید صالح بلوچ کے قتل پر گہرے دکھ اور افسوس کا اظہار کرتے ہوئے کہا کہ واقعے میں ملوث عناصر کو جلد گرفتار کر کے انصاف کے کٹہرے میں لایا جائے گا۔

وزیر اعلیٰ نے جاں بحق شخص کے اہل خانہ سے تعزیت اور ہمدردی کا اظہار کیا اور یقین دلایا کہ متاثرہ خاندان کو انصاف دلانے کے لیے تمام وسائل بروئے کار لائے جائیں گے۔