بھارتی گھمنڈ اور اشتعال انگیز بیانات سےجنوبی ایشیا میں امن کو سنگین نتائج کا سامنا کرنا پڑسکتا ہے: پاک فوج

راولپنڈی:
پاک فوج کے شعبہ تعلقات عامہ (آئی ایس پی آر) نے بھارتی فوجی قیادت کے حالیہ بیانات کو من گھڑت اور اشتعال انگیز پروپیگنڈہ قرار دیتے ہوئے سخت الفاظ میں مذمت کی ہے اور خبردار کیا ہے کہ ایسے بیانات جنوبی ایشیا میں امن کے لیے سنگین نتائج کا باعث بن سکتے ہیں۔
ملالہ کا نشہ کرنے کا انکشاف کن سا نشہ کیا؟ تفصیل جانئے
آئی ایس پی آر کے بیان میں کہا گیا کہ معرکہِ حق کے پانچ ماہ بعد بھارتی فوجی قیادت نے وہی پروپیگنڈا دوبارہ شروع کر دیا ہے، جو انتہائی تشویشناک ہے۔ بیان میں یہ بھی اشارہ کیا گیا کہ بہار اور مغربی بنگال کے انتخابات کے پیشِ نظر یہ پروپیگنڈہ زور پکڑ رہا ہے اور بدگمانی ہے کہ بھارتی فوج اور اس کی سیاسی قیادت معرکہِ حق میں اپنی شکست تسلیم کرنے سے قاصر ہیں۔

آئی ایس پی آر نے مزید کہا کہ بھارت اپنی مہم جوئی اور بالادستی کی پالیسیوں پر قائم ہے، جبکہ دنیا اب بھارت کو سرحد پار دہشت گردی اور علاقائی عدم استحکام کے حوالے سے ایک مرکزی خطرہ سمجھنے لگی ہے۔ بیان میں کہا گیا کہ پاکستانی عوام اور افواج اپنی سرزمین کے دفاع کے لیے پوری صلاحیت اور پختہ عزم رکھتے ہیں۔

شعبہ تعلقات عامہ نے انتباہ کیا کہ بھارتی مسلح افواج اور اس کے سیاسی رہنما پاکستان کی صلاحیت اور عزم کو سمجھ لیں، کیونکہ ہر جارحانہ اقدام کا جواب تیز، پختہ اور بھرپور انداز میں دیا جائے گا۔ آخر میں کہا گیا کہ بھارتی عوام اور بین الاقوامی برادری کو غلط بیانی کی بنیاد پر گمراہ کیا جا رہا ہے اور غیر ضروری گھمنڈ و اشتعال انگیز بیانات جنگی جنون کو بڑھا سکتے ہیں جن کے نتیجے میں خطے میں امن و استحکام کو نقصان پہنچ سکتا ہے۔