گل پلازہ میں آگ کیسے لگی اور کتنی اموات ہوئیں؟ کمشنر کراچی نے حتمی تحقیقاتی رپورٹ تیار کرلی

کمشنر کراچی نے سانحہ گل پلازہ کی حتمی تحقیقاتی رپورٹ تیار کرلی ہے۔

ذرائع کے مطابق یہ رپورٹ کمشنر کراچی اور ایڈیشنل آئی جی پر مشتمل کمیٹی نے تیار کی ہے اور کمشنر کراچی اسے وزیراعلیٰ سندھ مراد علی شاہ کو پیش کریں گے۔ رپورٹ میں آگ لگنے کی وجوہات، آگ بجھانے کے عمل اور ریسکیو کارروائی کی تفصیلات شامل ہیں۔ اس کے علاوہ متاثرین، عینی شاہدین اور ریسکیو حکام سے حاصل شدہ معلومات بھی رپورٹ میں درج ہیں۔

پاکستان ریلوے ویگنز اور کوچز 5 ممالک کو ایکسپورٹ کرے گا: حنیف عباسی

ذرائع کے مطابق رپورٹ میں بتایا گیا ہے کہ گراؤنڈ فلور پر بچے کے ہاتھوں فلاور شاپ میں آگ لگی، جو ایئر کنڈیشن کے ڈکٹس کے ذریعے تیزی سے پھیلی۔ رپورٹ کے مطابق آگ لگنے سے 79 افراد جاں بحق ہوئے، جن میں زیادہ تر اموات گل پلازا کے میزنائن فلور پر ہوئیں۔

رپورٹ میں یہ بھی درج ہے کہ آگ رات 10 بج کر 15 منٹ پر لگی جبکہ فائر بریگیڈ کو اطلاع رات 10 بج کر 26 منٹ پر ملی۔ ڈپٹی کمشنر جنوبی 10 بج کر 30 منٹ پر جائے وقوعہ پر پہنچے، پہلا فائر ٹینڈر 11 منٹ بعد یعنی 10 بج کر 37 منٹ پر پہنچا، جبکہ ریسکیو 1122 کا عملہ 10:53 پر موقع پر پہنچا۔