برطانیہ: سڑک کی تعمیر کے دوران 300 سے زائد قدیم رومی قبریں دریافت

**برطانیہ میں تاریخی رومی قبرستان دریافت، 300 سے زائد قبریں ملنے کی تصدیق**

برطانیہ کے علاقے کمبریا میں ایک تاریخی رومی قبرستان دریافت ہوا ہے، جہاں 300 سے زائد قدیم قبریں ملنے کی تصدیق ہوئی ہے۔ یہ دریافت اے 66 نامی سڑک کو چوڑا کرنے کے منصوبے کے لیے کی جانے والی کھدائی کے دوران سامنے آئی ہے۔

پاکستان میں ادویات اور طبی آلات کی برآمدات میں اضافہ، اعداد و شمار جاری

ماہرین آثار قدیمہ نے اس علاقے میں رومی دور کے آثار کے بارے میں 1960 کی دہائی سے جانا تھا، لیکن اب پہلی بار باقاعدہ کھدائی کا موقع ملا ہے۔ دریافت ہونے والے شواہد سے رومی دور میں تدفین کی روایات، بشمول مردوں کو جلانے اور دفنانے کے طریقوں، پر نئی روشنی پڑنے کی توقع ہے۔

ماہر آثار قدیمہ ڈاکٹر لورین مکنٹائر کے مطابق اب تک تقریباً 340 قبروں کے شواہد ملے ہیں، اور ممکن ہے کہ یہ قبرستان کھدائی کے موجودہ دائرے سے کہیں زیادہ وسیع ہو۔ یہ دریافت برطانیہ کے سب سے بڑے رومی قبرستانوں میں سے ایک قرار دی جا رہی ہے۔