وزیراعظم کی ہدایت پر آزاد کشمیر میں نادرا کی کھلی کچہریاں: شہریوں کے مسائل موقع پر حل ہوں گے

**”وزیراعظم کی ہدایت پر آزاد کشمیر میں نادرا کی کھلی کچہریاں: شہریوں کے مسائل موقع پر حل ہوں گے”**

وزیراعظم پاکستان کی خصوصی ہدایات پر آزاد کشمیر کے شہریوں کو نادرا سے متعلق مسائل سے نجات دلانے کے لیے 13 سے 15 جنوری تک تین روزہ **کھلی کچہریوں** کا انعقاد کیا جا رہا ہے۔

شدید سردی کے باوجود پرائیویٹ تعلیمی ادارے کھول دیے گئے، والدین و شہری سراپا احتجاج

نادرا ریجنل ہیڈ آفس کے تحت منعقد ہونے والی ان کچہریوں کا مقصد شناختی کارڈ، ب فارم، فیملی رجسٹریشن، تصحیح کوائف اور دیگر دستاویزی معاملات میں درپیش مشکلات کو فوری اور مؤثر طریقے سے حل کرنا ہے۔

**شیڈول کے مطابق کچہریاں مندرجہ ذیل مقامات پر ہوں گی:**
– **13 جنوری:** راولاکوٹ
– **14 جنوری:** میرپور
– **15 جنوری:** مظفرآباد

ان مقامات پر نادرا کے سینئر افسران اور عملہ موجود رہے گا، جہاں شہری اپنے مسائل براہ راست پیش کر سکیں گے اور فوری کارروائی ممکن ہوگی۔

نادرا کے ترجمان کے مطابق، یہ اقدام وزیراعظم کے عوام دوست وژن کا عملی اظہار ہے، جس کا مقصد سرکاری خدمات کو عام آدمی تک پہنچانا اور شکایات کے ازالے کو شفاف، تیز اور آسان بنانا ہے۔ انہوں نے شہریوں سے اپیل کی ہے کہ وہ مقررہ تاریخوں پر اپنی دستاویزات کے ساتھ کھلی کچہری میں ضرور شرکت کریں۔