پاکستان نے یمن کی صورتحال کو مذاکرات اور سفارتکاری کے ذریعے حل کرنے کی اپنی حمایت کا اعادہ کیا ہے۔ دفتر خارجہ کے ترجمان طاہر حسین اندرابی نے کہا کہ پاکستان یمن کی وحدت اور علاقائی سالمیت کا بھرپور حامی ہے اور خطے میں امن و استحکام کے فروغ کے لیے ہر ممکن تعاون کے لیے تیار ہے۔
محبت کا امتحان، محبوبہ کا ’’مر کر دکھاؤ‘‘ کہنا نوجوان کی جان لے گیا
ترجمان نے مزید کہا کہ پاکستان سعودی عرب اور متحدہ عرب امارات کے مثبت اقدامات کی قدر کرتا ہے اور امید رکھتا ہے کہ یہ اقدامات یمن میں پائیدار اور پرامن حل میں معاون ثابت ہوں گے، دونوں برادر ممالک کی کوششیں علاقائی امن اور استحکام کے مشترکہ عزم کی عکاس ہیں۔
پاکستان خطے میں امن، ترقی اور استحکام کے لیے شراکت داری کو مضبوط کرنے میں اپنا مثبت کردار ادا کرنے کے لیے پرعزم ہے اور بین الاقوامی برادری کے ساتھ مل کر یمن میں دیرپا امن قائم کرنے کی کوششوں میں شامل رہنے کا عزم رکھتا ہے۔ ترجمان نے یقین دہانی کرائی کہ پاکستان ہمیشہ خطے میں امن اور تعلقات کو فروغ دینے کی کوششوں میں فعال کردار ادا کرے گا۔
