بہاولپور کی چولستان یونیورسٹی آف ویٹرنری اینڈ اینیمل سائنسز کے طلبہ و طالبات نے پاک فوج کے زیرِ اہتمام ایک یادگار اور معلوماتی دن گزارا جس کے دوران انہیں عسکری ماحول کو قریب سے سمجھنے کا موقع ملا۔ اس دورے کے دوران طلبہ نے خیرپور ٹامیوالی فائرنگ رینج کا دورہ کیا جہاں انہیں ٹینک فائر، جدید ہتھیاروں کے عملی مظاہرے اور مختلف عسکری سازوسامان کا براہِ راست مشاہدہ کرایا گیا۔
کراچی میں ڈبل ڈیکر بس سروس کا افتتاح، کرایہ کتنا ہوگا؟
پاک فوج کے جوانوں نے طلبہ کو اپنی پیشہ ورانہ مہارت، جدید دفاعی صلاحیتوں اور ہمہ وقت جنگی تیاریوں کے بارے میں تفصیلی بریفنگ فراہم کی۔ طلبہ نے فوج کے اعلیٰ نظم و ضبط، تربیت اور پیشہ ورانہ صلاحیتوں کو دیکھ کر اسے ایک نہایت متاثر کن تجربہ قرار دیا۔ اس موقع پر طلبہ نے معرکہ حق (آپریشن بنیان المرصوص) کی تاریخی فتح پر پاک فوج کو بھرپور خراجِ تحسین پیش کیا اور پاک فوج کے ساتھ یکجہتی کا اظہار کرتے ہوئے اس عزم کا اعادہ کیا کہ وہ قومی ترقی اور دفاع میں اپنا بھرپور کردار ادا کریں گے۔
یہ دورہ طلبہ کے لیے نہ صرف تعلیمی اور فوجی حوالے سے ایک اہم تجربہ ثابت ہوا بلکہ اس کے ذریعے انہوں نے وطن کی خاطر پاک فوج کی محنت اور قربانیوں کو بھی بہت قریب سے جانا۔
