ایران کے جوہری پروگرام سے متعلق اقوام متحدہ کی سلامتی کونسل کا اجلاس منعقد ہوا جس میں اس معاملے پر تفصیلی غور کیا گیا۔ اجلاس کے دوران پاکستان کے قائم مقام مستقل مندوب سفیر عثمان جدون نے مؤقف اختیار کیا کہ ایران کے جوہری پروگرام سے جڑے تمام مسائل کا حل صرف اور صرف مکالمے کے ذریعے ہی ممکن ہے۔
خاتون ڈاکٹر کی درخواست پر سب انسپکٹر نوکری سے برخاست، اسلام آباد پولیس کی انکوائری مکمل
انہوں نے واضح کیا کہ پاکستان نے ایران پر پابندیاں دوبارہ عائد کرنے کی حمایت نہیں کی اور تمام فریقین کو جلدبازی سے گریز کرنے کا مشورہ دیا۔ سفیر عثمان جدون کا کہنا تھا کہ تصادم سے بچنا وقت کی اہم ضرورت ہے اور سفارتی کوششوں کو کامیاب ہونے کے لیے مزید مہلت دی جانی چاہیے۔
انہوں نے مزید کہا کہ موجودہ صورتحال پہلے ہی اقوام متحدہ کے منشور کی خلاف ورزیوں اور طاقت کے یکطرفہ استعمال کے باعث پیچیدگی اختیار کر چکی ہے، جس میں مزید کشیدگی کسی کے مفاد میں نہیں ہوگی۔
