اب سرکاری ملازمین کو پنشن نہیں ملے گی! بڑی خبر آگئی

پنجاب حکومت نے ایک اہم پالیسی فیصلہ کرتے ہوئے سرکاری ملازمین کے لیے پنشن کی سہولت ختم کر دی ہے۔ یہ فیصلہ صرف نئی بھرتیوں پر لاگو ہوگا اور اس کا مقصد صوبائی خزانے پر بڑھتے ہوئے مالی دباؤ کو کم کرنا ہے۔

سرکاری نوٹیفکیشن کے مطابق 2018 کے قانون کے تحت پہلے سے کام کرنے والے ملازمین اس فیصلے سے متاثر نہیں ہوں گے، تاہم اب مستقل کیے جانے والے کنٹریکٹ ملازمین بھی پنشن کے اہل نہیں ہوں گے۔

معیار زندگی کے لحاظ سے دنیا کے 10 بدترین ممالک

حکومت کے بیان کے مطابق آئندہ صوبائی محکموں میں نئی بھرتیاں بنیادی تنخواہ کے بجائے لَمپ سم پیکیج پر کی جائیں گی۔ اس پالیسی کا مقصد پنشن کے بڑھتے ہوئے اخراجات کو کنٹرول کرنا اور مالی وسائل کے بہتر استعمال کو یقینی بنانا ہے۔

پنجاب حکومت نے اس فیصلے کو قانونی شکل دینے کے لیے “پنجاب ریگولرائزیشن آف سروس کینسلیشن آرڈیننس 2025” جاری کیا ہے جو گورنر پنجاب کی منظوری اور سرکاری گزٹ میں اشاعت کے بعد 31 اکتوبر 2025 سے نافذ ہو چکا ہے۔

اس آرڈیننس کے نفاذ کے بعد “ریگولرائزیشن آف سروس ایکٹ 2018” کو باضابطہ طور پر منسوخ کر دیا گیا ہے، اور نئے سرکاری ملازمین کے لیے پنشن کی سہولت ختم کر دی گئی ہے۔ ماہرین کے مطابق یہ اقدام سرکاری ملازمت کے نظام میں ایک بڑی پالیسی تبدیلی قرار دیا جا رہا ہے۔