اسلام آباد میں خیبر پختونخوا جوڈیشل سروس سے تعلق رکھنے والے تین ججز کی خدمات کو اسلام آباد جوڈیشل سروس کے حوالے کر دیا گیا ہے۔
اسلام آباد ہائی کورٹ کے رجسٹرار محمد یار ولانہ کی جانب سے جاری نوٹی فکیشن کے مطابق ایڈیشنل ڈسٹرکٹ اینڈ سیشن ججز عصمت اللہ اور حسینہ ثقلین، جبکہ سول جج مریم شہریار کی خدمات اسلام آباد ہائی کورٹ کے سپرد کر دی گئی ہیں۔
یکم نومبر سے پیٹرولیم مصنوعات مزید مہنگی ہونے کا امکان
نوٹی فکیشن کے مطابق تینوں ججز کو ڈیپوٹیشن کی بنیاد پر تین سال کے لیے اسلام آباد جوڈیشل سروس میں تعینات کیا گیا ہے۔ چیف جسٹس اسلام آباد ہائی کورٹ سرفراز ڈوگر نے ان ججز کو ڈسٹرکٹ کورٹس میں ذمہ داریاں سونپ دی ہیں۔
ایڈیشنل ڈسٹرکٹ اینڈ سیشن جج عصمت اللہ کو سیشن ڈویژن ایسٹ، حسینہ ثقلین کو سیشن ڈویژن ویسٹ، جبکہ سول جج مریم شہریار کو بھی سیشن ڈویژن ویسٹ اسلام آباد میں تعینات کیا گیا ہے۔
