دودھ کی فی لیٹر قیمت میں اچانک بڑا اضافہ کردیا گیا ، دکانداروں کا کہنا ہے کہ حالیہ سیلاب کی وجہ سے مویشیوں کی تعداد اور دودھ کی پیداوار بری طرح متاثر ہوئی ہے۔
تفصیلات کے مطابق عوام ایک اور مہنگائی کی لہر سے پریشان ہیں کیونکہ دودھ اور دہی کی قیمتوں میں اچانک اضافہ کر دیا گیا ہے۔
دکانداروں نے دودھ کی قیمت میں 10 روپے فی لیٹر اضافہ کرتے ہوئے نئی قیمت 210 روپے فی لیٹر مقرر کر دی ہے، جبکہ دہی کی قیمت 250 روپے فی کلو تک پہنچ گئی ہے۔
دکانداروں کا کہنا ہے کہ حالیہ سیلاب کی وجہ سے مویشیوں کی تعداد اور دودھ کی پیداوار بری طرح متاثر ہوئی ہے، جس کے باعث مارکیٹ میں سپلائی کم اور قیمتیں بڑھ گئی ہیں۔
دوسری جانب شہریوں کا کہنا ہے کہ بنیادی ضروریاتِ زندگی کی قیمتوں میں مسلسل اضافہ گھریلو بجٹ کو شدید دباؤ میں ڈال رہا ہے۔
شہریوں نے حکومت سے مطالبہ کیا ہے کہ وہ فوری اقدامات کرے تاکہ دودھ کی فراہمی بہتر ہو اور قیمتوں میں کمی لائی جا سکے۔
