آرمی چیف کا کرتارپور کو ترجیحی بنیادوں پر اصل حالت میں بحال کرنے کا اعلان
فیلڈ مارشل عاصم منیر نے پنجاب کے سیلاب سے متاثرہ علاقوں کا دورہ کیا جن میں سیالکوٹ، شکر گڑھ، نارووال اور کرتارپور شامل ہیں،
جہاں انہوں نے سیلابی صورتحال اور امدادی اقدامات کا جائزہ لیا۔
انہوں نے سکھ برادری سے ملاقات میں یقین دہانی کروائی کہ تمام متاثرہ مذہبی مقامات کو ان کی اصل حالت میں بحال کیا جائے گا، خاص طور پر دربار صاحب کرتارپور کو ترجیح دی جائے گی۔
آرمی چیف کو آئندہ بارشوں اور سیلاب سے نمٹنے کی تیاریوں پر بریفنگ دی گئی، اور انہوں نے متاثرہ علاقوں میں خدمات انجام دینے والے فوجی جوانوں اور سول انتظامیہ کی کوششوں کو سراہا۔
