راولپنڈی: پاکستان کے کرکٹ شائقین کے لیے خوشخبری! دوسرا آل پاکستان ٹیپ بال ریلوے سپر 9 اوپن ٹورنامنٹ 26 اور 27 فروری 2025 کو ریلوے گراؤنڈ راولپنڈی میں شروع ہو رہا ہے۔ اس ٹورنامنٹ کے سرپرست اعلیٰ راجہ قیصر اور بالی ریلوے ہوں گے، جن کی رہنمائی میں یہ ایونٹ شائقین کرکٹ کے لیے ایک یادگار موقع بنے گا۔
اس ٹورنامنٹ میں پاکستان کے ٹیپ بال کرکٹ کے سپر اسٹارز شامل ہوں گے، جن میں "تیمور مرزا”، "خرم چکوال”، "فہد میاں چنوں”، اور "ظہیر کالیا” جیسے بڑے نام اپنے شاندار کھیل کا مظاہرہ کریں گے۔ یہ ایونٹ راولپنڈی کے کرکٹ شائقین کے لیے ایک بہترین تحفہ ثابت ہوگا، جو اس شاندار مقابلے کو طویل عرصے تک یاد رکھیں گے۔
اس ایونٹ کے انعقاد میں خصوصی تعاون فراہم کرنے والے افراد میں افتخار احمد کڑلال فارن آفس، شیر خان ڈیسنٹ سپورٹ، اور نعمان ریلوے کپتان ہزارہ لائن شامل ہیں۔
یہ ٹورنامنٹ کرکٹ کے دیوانوں کے لیے ایک شاندار موقع ہے، جس میں نہ صرف ملکی سطح پر کرکٹ کے بہترین کھلاڑیوں کو دیکھنے کا موقع ملے گا، بلکہ راولپنڈی کے کرکٹ میدان میں ایک نیا جوش و جذبہ بھی پیدا ہوگا۔
