ہیڈفون جیک پر بنے یہ چھوٹے دائرے آخر کس کام آتے ہیں؟ جان کر حیران رہ جائیں گے!

اگر آپ ائیر فون یا ہیڈفون استعمال کرتے ہیں، تو شاید آپ نے کبھی اس کے جیک پر بنے چھوٹے دائروں یا رنگز پر غور کیا ہو۔ بظاہر سادہ نظر آنے والے یہ نشانات درحقیقت بہت اہمیت رکھتے ہیں اور آپ کے آڈیو کے معیار اور فیچرز کے بارے میں کئی باتیں بتاتے ہیں۔

یہ رنگز یا لائنز دراصل آڈیو سگنلز کی نوعیت کی نمائندگی کرتے ہیں، اور ان کی تعداد کے مطابق ہیڈفون کے فنکشنز کا اندازہ لگایا جا سکتا ہے۔

🔸 ایک رنگ (Mono Plug):
اگر جیک پر صرف ایک رنگ موجود ہو تو یہ مونو آڈیو کا اشارہ ہے۔ اس کا مطلب ہے کہ دونوں ائیر بڈز سے یکساں آواز سنائی دے گی، یعنی دائیں اور بائیں دونوں طرف ایک جیسا ساؤنڈ پلے ہوگا۔

🔸 دو رنگز (Stereo Plug):
جب جیک پر دو رنگز ہوں تو یہ اس بات کی علامت ہے کہ ہیڈفون اسٹیریو آڈیو فراہم کرے گا۔ یعنی ایک چینل بائیں ائیر بڈ کو اور دوسرا دائیں ائیر بڈ کو مخصوص آڈیو بھیجے گا، جس سے آپ کو زیادہ حقیقی اور الگ الگ سمتوں سے آواز کا تجربہ حاصل ہوتا ہے۔

🔸 تین رنگز (Stereo + Mic):
اگر آپ کے ائیر فون کے جیک پر تین رنگز ہوں تو یہ ظاہر کرتا ہے کہ یہ نہ صرف اسٹیریو آڈیو کی سہولت دیتا ہے بلکہ اس میں مائیکروفون یا کنٹرول بٹن بھی شامل ہیں۔ ایسے ہیڈفونز کالز کے لیے، وائس ریکارڈنگ، یا والیوم کنٹرول کے لیے بھی استعمال کیے جا سکتے ہیں۔

یعنی، صرف ایک نظر میں آپ ہیڈفون کے ان فیچرز کو پہچان سکتے ہیں جنہیں اکثر لوگ نظرانداز کر دیتے ہیں۔