**عبدل جاوید جونیئر اسلام آباد اسنوکر کپ کے چیمپئن بنے**
اسلام آباد بلیئرڈ اینڈ اسنوکر ایسوسی ایشن کے زیر اہتمام منعقدہ **اسلام آباد اسنوکر کپ** کے فائنل میں عبدل جاوید جونیئر نے شان نعمت کو **4-2** سے شکست دے کر چیمپئن شپ کا خطاب اپنے نام کیا۔
پاکستان ریلویز بوگیوں کی کمی پر قابو پانے میں ناکام، مسافر شدید مشکلات کا شکار
فائنل کے دوران عبدل جاوید جونیئر نے چیمپئن شپ کی سب سے بڑی **99 پوائنٹس کی بریک** بھی لگائی۔ مقابلے کے فریمز کے اسکور درج ذیل رہے:
21-75، 61-48، 19-114، 34-81، 69-47، 29-84۔
**ماسٹرز کیٹیگری** میں **مصدق ملک** نے ستار خان کو **4-1** سے شکست دے کر فاتح قرار پائے۔
فائنل تقریب کے مہمان خصوصی مسلم لیگ (ن) کے رکن قومی اسمبلی **ملک ابرار احمد** تھے، جنہوں نے کھلاڑیوں میں انعامات تقسیم کیے۔ انہوں نے اپنے خطاب میں کہا کہ پاکستانی اسنوکر کھلاڑی بین الاقوامی سطح پر ملک کا نام روشن کر رہے ہیں اور نوجوانوں کو کھیلوں میں بڑھ چڑھ کر حصہ لینا چاہیے۔ انہوں نے یقین دلایا کہ حکومت باصلاحیت نوجوانوں کو ہر ممکن سہولیات فراہم کرے گی۔
تقریب میں اسلام آباد بلیئرڈ اینڈ اسنوکر ایسوسی ایشن کے سینئر نائب صدر **سلیم اختر رانا**، سیکرٹری **فہیم انور خان**، راولپنڈی بلیئرڈ اینڈ اسنوکر ایسوسی ایشن کے صدر **ڈاکٹر عامر خان** اور دیگر معززین نے بھی شرکت کی۔
یہ مقابلہ شاندار 41 اسنوکر اکیڈمی، اسلام آباد میں منعقد کیا گیا۔
