پاکستان کے سینئر اداکار بہروز سبزواری نے پہلی بیوی کی موجودگی میں دوسری شادی کو امتحان قرار دے دیا ہے۔ اداکار بہروز سبزواری حال ہی میں ایک نجی ٹی وی شو میں شریک ہوئے، جس دوران ایک مداح نے ان سے فٹنس کے بارے میں سوال کیا۔ اس پر ان کا کہنا تھا کہ جب ان کی شادی ہوئی تو ان کی عمر اکیس سال تھی اور اب ان کی عمر بیالیس سال ہے۔ انہوں نے کہا کہ ان کی دو پوتیاں اور نواسے نواسیاں بھی ہیں۔ ان کا کہنا تھا کہ کم عمری میں شادی کا ایک فائدہ یہ بھی ہے کہ انسان لمبے عرصے تک فٹ رہتا ہے۔
حکومت کاعمران خان کو اڈیالہ جیل سے منتقل کرنے پر غور
دوسری جانب دوسری شادی سے متعلق سوال پر بہروز سبزواری نے کہا کہ اگر آپ کی پہلی بیوی حیات ہے، خواہ وہ اچھی ہو یا بری، تو ایسی صورت میں اگر کوئی مرد دوسری شادی کر لے تو یہ اس کے لیے ایک امتحان ہے۔ انہوں نے کہا کہ اگر بیوی اچھی ہے تو مرد کو دوسری شادی کی ضرورت ہی کیا ہے۔
اپنی فیملی میں موجود اداکاروں کے درمیان سب سے بہترین مرد اور خاتون اداکارہ کے سوال پر بہروز سبزواری نے جواب دیا کہ جاوید شیخ کے بارے میں تو کوئی رائے نہیں، اس کے بعد ان کے نزدیک ان کا بیٹا شہروز سبزواری سب سے بہترین اداکار ہے، کیونکہ وہ اپنے کردار کے لیے بہت محنت کرتا ہے اور اس کے ساتھ انصاف کرتا ہے۔ انہوں نے کہا کہ خاتون اداکاراؤں میں تمام اداکارائیں مناسب ہیں، لیکن ان کی بیگم سب سے بہترین اداکارہ ہیں۔
