واٹس ایپ میں صارفین کیلئے 6 نئے فیچرز متعارف

واٹس ایپ نے صارفین کے لیے 6 نئے فیچرز متعارف کرا دیے ہیں جو 26 مارچ سے آہستہ آہستہ سب کے لیے دستیاب ہوں گے۔

**اہم فیچرز درج ذیل ہیں:**

1. **ایک ڈیوائس پر 2 اکاؤنٹس (iOS)**
اینڈرائیڈ صارفین کے بعد اب آئی فون صارفین بھی ایک ڈیوائس پر بیک وقت دو مختلف واٹس ایپ اکاؤنٹس استعمال کر سکیں گے، جس کے لیے دو فونز کی ضرورت نہیں ہوگی۔

مری پولیس میں 371 اسامیوں پر بھرتی کا عمل بحال، 31 مارچ سے آغاز، 15 اپریل کو حتمی میرٹ لسٹ جاری ہوگی

2. **فون اسٹوریج کی صفائی**
صارفین اب واٹس ایپ کے اندر ہی بڑی فائلز کو ڈیلیٹ کر سکیں گے۔ اس کے لیے سیٹنگز میں **Manage Storage** آپشن کے تحت مخصوص چیٹس میں موجود میڈیا فائلز کو حذف کیا جا سکے گا تاکہ فون کی اسٹوریج بھرا نہ ہو۔

3. **کراس پلیٹ فارم چیٹ ٹرانسفر**
اب آئی او ایس اور اینڈرائیڈ ڈیوائسز کے درمیان چیٹ ہسٹری منتقل کرنا آسان ہو گیا ہے۔ چند کلکس میں اینڈرائیڈ سے آئی فون یا بالعکس تمام چیٹس منتقل کی جا سکیں گی۔

4. **اسٹیکرز کی تجاویز**
چیٹ میں ایموجیز ٹائپ کرنے پر واٹس ایپ اسٹیکرز کی تجاویز دے گا، یعنی آپ ایموجی کی جگہ اسٹیکر استعمال کر سکیں گے۔

5. **میٹا اے آئی سے تصاویر کی ایڈیٹنگ**
صارفین اب چیٹ کے دوران تصاویر بھیجنے سے پہلے میٹا اے آئی کی مدد سے بیک گراؤنڈ تبدیل، اشیاء ہٹانے یا نئے اسٹائل آزمانے جیسے کام کر سکیں گے۔ تاہم یہ فیچر تمام صارفین کے لیے دستیاب نہیں ہوگا۔

6. **اے آئی رائٹنگ ہیلپ**
یہ فیچر چیٹ کے مطابق جوابات تجویز کرے گا تاکہ صارفین ڈرافٹ تیار کر سکیں۔ تمام چیٹس اینڈ ٹو اینڈ انکرپشن کے تحت محفوظ رہیں گی۔

یہ اپ ڈیٹس واٹس ایپ کے استعمال کو زیادہ آسان اور مؤثر بنانے کے لیے متعارف کرائی گئی ہیں۔