سائنس کی بڑی کامیابی، انٹارکٹیکا کے نیچے چھپے راز سامنے آ گئے

نیویارک سے موصول ہونے والی اطلاعات کے مطابق سائنسدان تاریخ میں پہلی بار یہ جاننے میں کامیاب ہو گئے ہیں کہ انٹارکٹیکا کی سرزمین میں برف کی موٹی تہوں کے نیچے کون سے حیران کن راز پوشیدہ ہیں۔ ماہرین نے برف سے ڈھکے اس براعظم سے متعلق ایسی غیر معمولی تفصیلات پیش کی ہیں جن کی ماضی میں کوئی مثال نہیں ملتی۔ غیر ملکی خبر رساں ایجنسی کے مطابق انٹارکٹیکا میں جمی ہوئی کئی کلومیٹر موٹی برف اب تک سائنس دانوں کے لیے اس کی اصل زمینی ساخت کو جاننے میں سب سے بڑی رکاوٹ بنی رہی ہے، تاہم جدید نقشہ سازی کی انتہائی اعلیٰ تکنیک کے استعمال سے یہ مشکل اب بڑی حد تک حل کر لی گئی ہے۔

بنگلا دیش ٹیم کا مسئلہ حل نہیں کیا گیا تو پاکستان ٹی ٹوئنٹی ورلڈ کپ میں شرکت کے فیصلے کا جائزہ لیگا

اس جدید تحقیق میں سیٹلائٹ ڈیٹا، جدید ریڈار سسٹمز اور انٹارکٹیکا میں گلیشیئرز کے سرکنے کی طبیعیات کا سہارا لیا گیا ہے۔ تحقیق کے نتائج سے یہ بات سامنے آئی ہے کہ انٹارکٹیکا کی برف کے نیچے ہزاروں بلند و بالا چوٹیاں، وسیع و عریض وادیاں اور گہری و تنگ گھاٹیاں دفن ہیں۔ ماہرین کا کہنا ہے کہ انکشاف ہونے والی یہ جغرافیائی ساخت بڑے پہاڑی سلسلوں، پیچیدہ زمینی نشیب و فراز اور وسیع وادیوں پر مشتمل ہے، جو اس خطے سے متعلق اب تک کی سب سے حیران کن اور جامع دریافت سمجھی جا رہی ہے۔

اسی دوران ایک اور خبر کے مطابق ایک امریکی نیوز اینکر نے رنگ برنگے موزے جمع کرنے کا عالمی ریکارڈ قائم کر دیا ہے۔ سائنسدانوں کا ماننا ہے کہ انٹارکٹیکا سے متعلق حاصل ہونے والی یہ نئی معلومات نہ صرف اس براعظم کی جغرافیائی تاریخ کو سمجھنے میں مدد فراہم کریں گی بلکہ مستقبل میں برفانی چادروں کے پگھلاؤ اور عالمی سطح سمندر میں ممکنہ اضافے کی پیشگوئی کے لیے بھی انتہائی اہم ثابت ہوں گی۔