نئے سال کی آمد پر "مبارکباد کے لنکس” این سی سی آئی اے نے خبردار کردیا

نئے سال کے آغاز کے موقع پر آن لائن فراڈیوں سے ہوشیار رہیں۔ نیشنل سائبر کرائمز انویسٹی گیشن اتھارٹی (این سی سی آئی اے) نے فراڈ سے بچنے کا الرٹ جاری کر دیا ہے۔

صدرمسلم لیگ ن نوازشریف اور وزیراعلیٰ پنجاب مریم نواز دبئی پہنچ گئے

این سی سی آئی اے کے مطابق نئے سال کی آمد پر مبارکباد کے لنکس اور جعلی تحائف کے پیغامات گردش کر رہے ہیں۔ کسی بھی انجان لنک پر کلک نہ کریں اور نہ ہی اپنا واٹس ایپ کوڈ کسی کے ساتھ شیئر کریں۔ الرٹ میں کہا گیا ہے کہ اپنی خوشیوں کو ہیکرز کی نظر نہ لگنے دیں اور فراڈیوں سے محفوظ رہیں۔

ماہرین کے مطابق فراڈی ایپ فائلز اور میلویئر لنکس کے ذریعے واٹس ایپ پر نئے سال کی مبارکباد کے کارڈز بھیج رہے ہیں۔ ان کارڈز کو حاصل کرنے کے لیے نیچے دیے گئے لنک پر کلک کرنے کا پیغام بھیجا جا رہا ہے۔ ایسے لنکس پر توجہ نہ دیں کیونکہ ان سے فون کے ہیک ہونے کا خطرہ ہے اور موبائل میں موجود ڈیٹا، تصاویر، فون نمبرات اور بینک کھاتے کی تفصیلات مکمل طور پر سائبر مجرمین کے ہاتھوں میں جا سکتی ہیں۔