رواں مالی سال کے ابتدائی 5 ماہ کے دوران آئی سی ٹی برآمدات میں بڑا اضافہ

اسلام آباد: وزارت انفارمیشن ٹیکنالوجی نے بتایا ہے کہ رواں مالی سال کے پہلے پانچ مہینوں میں پاکستان کی آئی سی ٹی برآمدات میں 18.5 فیصد اضافہ ہوا ہے، جو تقریباً ایک ارب 80 کروڑ امریکی ڈالر کے قریب پہنچ گئی ہیں۔

وزارت کے جاری کردہ اعداد و شمار کے مطابق صرف نومبر 2025 میں آئی سی ٹی خدمات کی برآمدات 356 ملین امریکی ڈالر رہیں۔

پاک بھارت جنگ میں مودی سرکارکو ایسا سبق سکھایا کہ وہ زندگی بھر نہیں بھولیں گے، وزیراعظم

اعداد و شمار میں یہ بھی بتایا گیا کہ اس شعبے میں ایک ارب 58 کروڑ 23 لاکھ امریکی ڈالر کا تجارتی سرپلس ریکارڈ کیا گیا، جو دیگر شعبوں کے مقابلے میں بہتر کارکردگی کو ظاہر کرتا ہے۔

وزارت آئی ٹی کا کہنا ہے کہ پاکستان کی ڈیجیٹل معیشت کو مضبوط بنانے کے لیے پالیسیوں اور اصلاحات کو مزید بہتر بنانے کا عمل جاری ہے۔