اسلام آباد(نیوزڈیسک)وفاقی وزیر تجارت جام کمال نے کہا ہے کہ پاکستان اس وقت مشکل حالات سے گزر رہا ہے۔
مزار قائد پر حاضری کے بعد میڈیا سے گفتگو کرتے ہوئے جام کمال نے کہا کہ معاشی اشاریوں کو بلندی کی جانب لے کر جانا ہے، حکومت معاشی اصلاحات کے لیے تمام اہم اقدامات کرے گی۔
انہوں نے کہا کہ شہباز شریف کی قیادت میں مشکلات کو ختم کرنے کی کوشش کر رہے ہیں۔
وفاقی وزیر تجارت کا کہنا ہے کہ تمام اتحادیوں کو ساتھ لے کر چلیں گے، پیپلز پارٹی، ایم کیوایم اور دیگر جماعتیں حکومت کا حصہ ہیں، پیپلز پارٹی نے حکومت کے تشکیل میں بڑا کردار ادا کیا۔
جام کمال نے یہ بھی کہا کہ مزار قائد آکر ہمیں پاکستان کے لیے قربانیوں کا احساس ہوتا ہے۔
