لاہور: مسلم لیگ (ن) کی رہنما عظمیٰ بخاری نے کہا ہےکہ آئی ایم ایف کی شرائط دیکھ کر مفت بجلی دینے کا فیصلہ کریں گے۔
عظمیٰ بخاری نے کہا کہ پاکستان کے لیے بڑا اعزاز ہے کہ مریم نواز پاکستان کی پہلی خاتون وزیراعلیٰ بننے جارہی ہیں، مریم نواز وزیراعلیٰ منتخب ہونے کے بعد پہلی تقریر میں ہیلتھ کارڈ سے متعلق روڈ میپ دیں گی۔
اقتدار میں آکر 300 یونٹ تک بجلی فری دیں گے، حمزہ شہباز کا اعلان
لیگی رہنما نے کہا کہ چیلنجز بالکل ہیں لیکن مریم نواز کو نواز شریف کی سرپرستی حاصل ہے، سیاسی کارکن ہر وقت سیکھ رہا ہوتا ہے۔ یوتھ پروگرام مریم نواز کا آئیڈیا تھا۔
عظمیٰ بخاری کا کہنا تھا کہ بیورو کریسی کے ذریعے حکومت چلانے کا تاثر غلط ہے، مریم نواز اپنے لیے جس کابینہ کا انتخاب کررہی ہیں وہ نوجوان اور تجربہ کار لوگوں کا مجموعہ ہوگی جب کہ مریم اورنگزیب اور دیگر خواتین مریم نواز کی معاونت کریں گی۔
انہوں نے مزید کہا کہ آئی ایم ایف پروگرام کی کیا شرائط ہوتی ہیں اس کے بعد مفت بجلی دینے کا فیصلہ کریں گے۔
