محکمہ اسکول ایجوکیشن سندھ نے پہلی بار اسکولوں کو ملنے والے بجٹ کی تفصیلات آن لائن جاری کر دی ہیں۔
وزیر تعلیم سندھ سید سردار علی شاہ نے بتایا کہ اسکول اسپیسفک بجٹ کی مد میں 18 ارب 67 کروڑ روپے کی تفصیلات پہلی بار ویب سائٹ پر دستیاب کر دی گئی ہیں۔ اس بجٹ کی تفصیلات ڈویژن، ضلعی، تعلقہ اور ہر اسکول تک واضح طور پر فراہم کی گئی ہیں۔
وزیر تعلیم کا کہنا تھا کہ اسکول اسپیسفک بجٹ کی آن لائن رسائی کے لیے کیو آر کوڈ بھی جاری کیا گیا ہے، جس کی مدد سے سندھ کے کسی بھی اسکول کی بجٹ تفصیلات حاصل کی جا سکتی ہیں۔
