**کراچی:** سندھ کے سینئر وزیر شرجیل میمن نے اعلان کیا ہے کہ صوبے میں تمام موٹر گاڑیوں کے لیے کمپیوٹرائزڈ فٹنس سرٹیفکیٹ لازمی قرار دے دیا گیا ہے۔ ان کے مطابق، اب بغیر اس فٹنس کے کوئی گاڑی سڑک پر چلنے کے لیے قابلِ عمل نہیں ہوگی۔
وزیر نے ایک بیان میں بتایا کہ سندھ میں موٹر گاڑیوں کے رجسٹریشن اور معائنے کا پورا نظام مکمل طور پر کمپیوٹرائز کر دیا گیا ہے۔ اس نئی نظام کے تحت، گاڑیوں کی صحت اور حفاظتی معیارات کو یقینی بنایا جائے گا۔
پاکستان سعودی عرب کا قریب ترین دوست ہے اور پاک سعودیہ دوستی مضبوط سے مضبوط تر ہو گی,سعودی قونصل
انہوں نے اس موقع پر ایمبولینس سروسز کے حوالے سے بھی ہدایات جاری کیں۔ محکمہ صحت نے تمام ایمبولینس ڈرائیوروں اور عملے کو واضح احکامات دیے ہیں کہ سائرن اور ایمرجنسی لائٹس کا استعمال صرف مخصوص مواقع پر ہی کیا جائے۔ ان کے مطابق، ایمرجنسی لائٹس اور سائرن صرف مریض کو لیتے وقت اور اسپتال پہنچانے کے دوران استعمال کرنے کی اجازت ہوگی۔
ٹرانسپورٹ کے شعبے میں، شرجیل میمن نے بتایا کہ محکمہ ٹرانسپورٹ کی جانب سے عوامی نقل و حمل کو بہتر بنانے کے لیے نئی بسوں کی خریداری کا عمل تیزی سے جاری ہے۔ انہوں نے کہا کہ کچھ بسیں پہلے ہی پورٹ پر موجود ہیں، جبکہ حکومت سندھ نے مزید 500 بسوں کی خریداری کی منظوری دے دی ہے۔ وزیر نے زور دیا کہ ہر شہری کو معیاری اور آسان ٹرانسپورٹ سہولیات فراہم کرنا صوبائی حکومت کی اولین ترجیح ہے۔
