وفاقی وزیر ریلوے حنیف عباسی نے اعلان کیا ہے کہ پاکستان ریلوے ویگنز اور کوچز پانچ ممالک کو ایکسپورٹ کرنے جا رہا ہے۔
جیو نیوز سے گفتگو کرتے ہوئے انہوں نے بتایا کہ پاکستان ریلوے نے دسمبر میں 10 ارب روپے کی آمدن حاصل کی، جو ایک ریکارڈ ہے، اور یہ مسافروں کو بہتر سہولیات فراہم کرنے کے اقدامات کا نتیجہ ہے۔
پاکستان نے اقتصادی تعاون تنظیم کی دو سالہ چیئرمین شپ سنبھال لی
حنیف عباسی نے کہا کہ مال گاڑیوں میں شراکت داروں کو شامل کیا گیا ہے، اور کنٹینر، کوئلہ اور فاسفیٹ آج مال گاڑیوں کے ذریعے سپلائی ہو رہے ہیں۔
وزیر ریلوے نے مزید کہا کہ پاکستان ریلوے کی کوچز اور ویگنز چلی، ارجنٹینا، سری لنکا، بنگلہ دیش اور نیپال کو ایکسپورٹ کی جائیں گی، اور اس ہفتے ان پانچ ممالک کے سفیروں کو وزارت میں پریزنٹیشن دی جائے گی۔
انہوں نے کہا کہ اس موقع پر سفیروں کو پاکستان ریلوے کی کوالٹی کے بارے میں آگاہ کیا جائے گا اور دنیا کے دیگر ممالک کے مقابلے میں کم قیمت پر ویگنز اور کوچز فراہم کی جائیں گی۔
