اسلام آباد ہائی کورٹ نے فریقین کو نوٹس جاری کر دیے ہیں۔
وفاقی دارالحکومت کے بلدیاتی انتخابات سے متعلق صدارتی آرڈیننس اور التواء کے خلاف دائر درخواستوں کی سماعت بغیر کسی کارروائی کے ملتوی کر دی گئی ہے۔
9 مئی و دیگر 5 کیسز؛ عمران خان کو عدالت میں یا بذریعہ ویڈیو لنک پیش کرنیکی ہدایت
تفصیلات کے مطابق اسلام آباد ہائی کورٹ میں جسٹس اعظم خان کی عدم دستیابی کے باعث سماعت بغیر کارروائی کے ملتوی کی گئی، اور ان کی عدالت کی کاز لسٹ منسوخ کر دی گئی۔
جماعت اسلامی اور مرکزی مسلم لیگ نے بلدیاتی انتخابات سے متعلق درخواستیں دائر کی ہوئی ہیں، جس پر اسلام آباد ہائی کورٹ نے الیکشن کمیشن اور فریقین کو نوٹس جاری کر کے جواب طلب کیا ہوا ہے۔
عدالت نے مرکزی مسلم لیگ کے کیس کو بھی جماعت اسلامی کے کیس کے ساتھ یکجا کر دیا تھا۔
کیس کی آئندہ سماعت کی تاریخ رجسٹرار آفس مقرر کرے گا۔
