پشاور ہائیکورٹ کے نئے مستقل چھ ججز نے حلف اٹھا لیا ہے۔
تفصیلات کے مطابق چیف جسٹس پشاور ہائیکورٹ جسٹس ایس ایم عتیق شاہ نے ججز سے حلف لیا۔
ناصر ادیب نے سید نور اور صائمہ کی خفیہ شادی سے متعلق نئے راز افشا کردیے
حلف برداری کرنے والے ججز میں جسٹس طارق آفریدی، جسٹس عبدالفیاض، جسٹس صلاح الدین اور جسٹس صادق علی شامل ہیں، جبکہ جسٹس سید مدثر امیر اور جسٹس قاضی جواد احسان اللہ نے بھی حلف اٹھایا۔
حلف برداری کی تقریب کورٹ روم نمبر 1 میں منعقد ہوئی۔ اس تقریب میں سینئر پیونی ججز جسٹس اعجاز انور، جسٹس سید ارشد علی، جسٹس صاحبزادہ اسداللہ اور دیگر ججز نے شرکت کی۔
تقریب میں رجسٹرار ہائیکورٹ، ایڈوکیٹ جنرل، ایڈیشنل اٹارنی جنرل، ہائیکورٹ سٹاف اور وکلاء کی بڑی تعداد بھی موجود تھی۔
