اسلام آباد: وفاقی آئینی عدالت نے رکن قومی اسمبلی سہیل سلطان کے خلاف الیکشن کمیشن کو تاحکم ثانی کیس کی سماعت سے روک دیا۔
عدالت نے الیکشن کمیشن سمیت تمام فریقین کو نوٹس جاری کرتے ہوئے کیس کی سماعت غیر معینہ مدت کے لیے ملتوی کر دی۔
آزاد کشمیر: وادی نیلم میں برفباری، وادی لیپا کا رابطہ ضلعی ہیڈ کوارٹر ہٹیاں بالا سے منقطع
سوات سے تعلق رکھنے والے رکن قومی اسمبلی سہیل سلطان کے خلاف نااہلی کے معاملے پر وفاقی آئینی عدالت نے الیکشن کمیشن کو تاحکم ثانی کارروائی سے روکنے کا حکم دیا اور فریقین کو نوٹسز جاری کیے۔
جسٹس عامر فاروق اور جسٹس روزی خان پر مشتمل دو رکنی بینچ نے کیس کی سماعت کی۔
سماعت کے دوران بیرسٹر گوہر سہیل سلطان کی جانب سے وفاقی آئینی عدالت میں پیش ہوئے اور مؤقف اختیار کیا کہ انتخابات مکمل ہونے کے بعد آرٹیکل 199 کے تحت رٹ دائر کی جا سکتی ہے، اسپیکر کو ریفرنس بھیجنے کا اختیار حاصل نہیں تھا، اور نواز شریف کیس میں بھی سپریم کورٹ اس اصول کا تعین کر چکی ہے۔
عدالت نے اپیل کو ابتدائی سماعت کے لیے منظور کرتے ہوئے الیکشن کمیشن سمیت فریقین کو نوٹس جاری کر دیے۔
سہیل سلطان پر الزام تھا کہ انہوں نے اسسٹنٹ ایڈووکیٹ بننے کے بعد عائد دو سالہ پابندی مکمل کیے بغیر الیکشن میں حصہ لیا۔
واضح رہے کہ الیکشن کمیشن نے یہ کیس منگل کے روز سماعت کے لیے مقرر کر رکھا تھا۔
