اسلام آباد:(مدثر چودھری)،پی ٹی آئی کے ارکانِ سینیٹ نے چیف جسٹس پاکستان عمر عطاء بندیال کو بتایا ہے کہ 13 اکتوبر کی رات ایف آئی اے نے سینیٹر اعظم سواتی کی رہائش گاہ پر دھاوا بولا۔
پی ٹی آئی کے ارکانِ سینیٹ کا کہنا ہے کہ عدالت میں پیشی سے قبل سینیٹر اعظم سواتی کو حراست میں تشدد کا نشانہ بنایا گیا، اعظم سواتی نے عدالت کو خود پر ہونے والے تشدد سے آگاہ کیا۔
چیف جسٹس پاکستان کو لکھے گئے خط میں پی ٹی آئی کے ارکانِ سینیٹ نے مزید کہا ہے کہ عدالتِ عظمیٰ انسانی حقوق کی محافظ ہے۔
وفاقی تحقیقاتی ادارے (ایف آئی اے) نے آج سینیٹر اعظم سواتی کو ایک روزہ جسمانی ریمانڈ ختم ہونے پر اسلام آباد ڈسٹرکٹ سیشن کورٹ کے سینئر سول جج محمد شبیر کی عدالت میں پیش کیا۔
خط میں پی ٹی آئی کے ارکانِ سینیٹ نے استدعا کی ہے کہ چیف جسٹس پاکستان عمر عطاء بندیال انسانی حقوق کی بہیمانہ خلاف ورزی کا فوری نوٹس لیں۔
بابر اعوان نے مزید کہا کہ اعظم سواتی کی انگلی بھی ٹوٹ چکی ہے، جج نے استفسار کیا کہ کیا آپ نے میڈیکل کرایا ہے؟ اس پر بابر اعوان نے جواب دیا کہ میں کچھ نہیں کہہ سکتا، ڈاکٹر بھی رپورٹ نہیں دیں گے۔
