**حافظ طاہر محمود اشرفی کا واضح پیغام: "ملاملٹری الائنس فطرتی اتحاد ہے”**
چیئرمین پاکستان علماء کونسل حافظ طاہر محمود اشرفی نے جھنگ میں منعقدہ پریس کانفرنس میں ملک کے موجودہ داخلی و خارجی مسائل پر اہم بیانات دیے۔ انہوں نے زور دے کر کہا کہ پاکستان کو اس وقت داخلی استحکام کی اشد ضرورت ہے، اور آپریشن بنیان المرصوص کی کامیابی تاریخ میں سنہرے حروف سے لکھی جائے گی۔
کم پڑھے لکھے بے روزگار افراد کیلئے خوشخبری، خیبرپختونخوا میں نوکریوں کا اعلان
حافظ اشرفی نے کہا کہ دنیا نے ہمیشہ اسلامی ممالک پر میزائل گرتے دیکھے ہیں، لیکن پہلی بار دنیا نے پاکستانی میزائل بھارت پر گرتے دیکھے۔ انہوں نے فوج اور عوام کے مابین تعلقات پر روشنی ڈالتے ہوئے کہا، "ملاملٹری الائنس کی بات کرنے والے سن لیں، اللہ نے یہ الائنس فطری طور پر بنایا ہے۔”
دہشت گردی کے حوالے سے انہوں نے کہا کہ پاکستان میں ہونے والے 70 فیصد دہشت گردانہ حملوں میں افغان شہری ملوث ہیں۔ ان کا کہنا تھا کہ پاک فوج اور قوم مل کر ملک سے دہشت گردی کا خاتمہ کریں گے۔ انہوں نے مزید کہا، "پاکستان اپنے سے چھ گنا بڑے ملک کو شکست دے سکتا ہے تو دہشت گردی کو بھی شکست دے سکتا ہے۔”
سیاسی صورتحال پر بات کرتے ہوئے حافظ اشرفی نے کہا کہ وزیراعظم شہباز شریف نے پی ٹی آئی کو مذاکرات کی دعوت دی ہے، جسے قبول کر لینا چاہیے۔ انہوں نے جمعیت علمائے اسلام (ف) کے سربراہ مولانا فضل الرحمان کا حوالہ دیتے ہوئے کہا کہ وہ ماضی میں مسلم لیگ (ن) کے حلیف رہے ہیں اور مستقبل میں بھی ان کے حلیف رہیں گے۔
ان بیانات کے ذریعے حافظ طاہر محمود اشرفی نے ملکی سلامتی، قومی یکجہتی اور سیاسی مفاہمت کی اہمیت پر زور دیا ہے۔
