**ایف آئی اے نے الیکشن کمیشن خیبرپختونخوا میں غیر قانونی بھرتیوں کے ملزمان گرفتار کیے**
ایف آئی اے اینٹی کرپشن سرکل پشاور نے الیکشن کمیشن خیبرپختونخوا میں غیر قانونی بھرتیوں کے الزام میں دو ملزمان کو گرفتار کر لیا ہے۔ گرفتار شدہ افراد میں تیمور احمد اور شہنشاہ شامل ہیں، جو دونوں الیکشن کمیشن پشاور میں اسسٹنٹ کی حیثیت سے تعینات رہ چکے ہیں۔
2025 میں اسمارٹ فونز کے سب سے بڑے اپ گریڈز
تفصیلات کے مطابق، ملزم تیمور احمد سابق صوبائی الیکشن کمشنر کے صاحبزادے ہیں۔ ابتدائی تحقیقات سے ظاہر ہوتا ہے کہ انہوں نے اپنے والد کے اثر و رسوخ کے ذریعے غیر قانونی طور پر تقرری حاصل کی۔ ان پر بھرتی کے ریکارڈ میں جعل سازی اور ہیرا پھیری کے الزامات بھی عائد ہیں۔
دوسرے ملزم شہنشاہ پر الزام ہے کہ انہوں نے اپنے بیٹے کی اسسٹنٹ کے عہدے پر غیر قانونی بھرتی میں سہولت فراہم کی۔ دونوں ملزمان کے خلاف تفتیش کا عمل شروع کر دیا گیا ہے۔
ایف آئی اے کا کہنا ہے کہ اداروں میں میرٹ کی پامالی اور اختیارات کے ناجائز استعمال کے خلاف کارروائی جاری ہے۔ ترجمان ایف آئی اے کے مطابق، ملزمان کی گرفتاری کے لیے تمام قانونی و انتظامی وسائل بروئے کار لائے جا رہے ہیں۔ یہ اقدام سرکاری اداروں میں شفافیت اور میرٹ کے نظام کو یقینی بنانے کی کوششوں کا حصہ ہے۔
