خیبر پختونخوا کے مختلف علاقوں میں سیکیورٹی فورسز کی کارروائیوں کے دوران 9 دہشت گرد ہلاک ہو گئے ہیں۔ آئی ایس پی آر کے مطابق ڈیرہ اسماعیل خان میں ایک آپریشن کے دوران فائرنگ کے تبادلے میں 4 دہشت گرد مارے گئے، جبکہ بنوں میں انٹیلی جنس بیسڈ آپریشن میں 5 دہشت گرد ہلاک ہوئے۔
پاکستان میں رجب المرجب کا چاند نظر آگیا، شبِ معراج 16 جنوری کو ہوگی
مارے جانے والے دہشت گرد بھارتی سرپرستی میں مختلف دہشت گردانہ کارروائیوں میں ملوث تھے اور فورسز اور شہریوں پر حملوں میں شریک تھے۔ آپریشن کے دوران دہشت گردوں سے اسلحہ اور گولہ بارود بھی برآمد ہوا۔
ترجمان پاک فوج کے مطابق، علاقے میں دہشت گردوں کے خاتمے کے لیے کلیئرنس آپریشنز جاری رکھے جائیں گے۔ قومی ایکشن پلان کے تحت دہشت گردی کے مکمل خاتمے تک یہ مہم جاری رہے گی اور قانون نافذ کرنے والے ادارے مسلسل اقدامات کر رہے ہیں۔
