عمران خان کے صاحبزادوں سلیمان خان اور قاسم خان نے ایک انٹرویو میں اپنے والد کی قید کے حالات پر تشویش کا اظہار کیا ہے۔ قاسم خان نے بتایا کہ ان کے والد کو شدید تنہائی میں رکھا گیا ہے، جہاں جیل کے اہلکاروں کو بھی ان سے بات کرنے کی اجازت نہیں۔ ان کے مطابق عمران خان کو ایک چھوٹے سے سیل میں رکھا گیا ہے اور تین برس سے ان کی بالمشافہ ملاقات نہیں ہوئی۔
الیکشن کمیشن نے اراکینِ پارلیمنٹ کو اثاثوں اور واجبات کے گوشوارے جمع کرانے کیلئے ڈیڈلائن دیدی
انہوں نے یہ بھی کہا کہ عدالتی حکم کے باوجود حکومت نے ان کے والد سے فون کالز بند کر دی ہیں، جب کہ برطانوی حکومت نے پاکستان جانے پر سیکورٹی فراہم نہ کرنے کی وارننگ دی ہے۔
دوسری جانب وزیر اعظم کے ترجمان مشرف زیدی نے ان الزامات کو مسترد کرتے ہوئے کہا کہ عمران خان کو علیحدہ رہائشی سہولیات، جم، لان، کتابیں اور ذاتی باورچی میسر ہیں۔ ان کے مطابق وہ دن میں کم از کم چھ گھنٹے کھلے ماحول میں گزارتے ہیں اور ہر کھانے کی طبی جانچ کی جاتی ہے۔
زیدی نے کہا کہ عمران خان کے بچوں کو پاکستان میں قانون کے مطابق تمام حقوق حاصل ہوں گے، لیکن کسی بھی ممکنہ دورے کو سیاسی مقاصد کے لیے استعمال کرنے کی اجازت نہیں دی جائے گی۔
