ٹریفک حکام نے صبح کے رش اوقات کے دوران فیض آباد کے مقام پر آئی جے پی روڈ سے ایکسپریس ہائی وے اور مری روڈ سے ایکسپریس ہائی وے کو ملانے والے دونوں لوپ ٹریفک کو بند کر دیا ہے اور ڈائیورشنز نافذ کی گئی ہیں۔
پنجاب اسمبلی میں دشمن ملک کی آلہ کار پارٹی اور اس کے رہنماؤں پر پابندی کی قرارداد منظور
شہریوں کو ہدایت کی گئی ہے کہ وہ راولپنڈی سے اسلام آباد جانے کے لیے سٹیڈیم روڈ سے نائنتھ ایونیو یا راولپنڈی مری روڈ سے کلب روڈ کے ذریعے سرینا چوک کا استعمال کریں۔ ڈی ایچ اے، بحریہ اور کورال سے آنے والی ٹریفک کے لیے ہدایت ہے کہ وہ ایکسپریس ہائی وے کا استعمال کریں تاکہ ٹریفک روانی برقرار رہے۔
اس اقدام کا مقصد رش کے اوقات میں شہریوں کی سہولت کو یقینی بنانا اور ایکسپریس ہائی وے پر دباؤ کم کرنا ہے۔ ٹریفک حکام کے مطابق آج اس متبادل ٹریفک پلان کی بدولت ایکسپریس ہائی وے پر ٹریفک کا دباؤ تقریباً چالیس فیصد کم ہوا اور شہریوں کو اپنے مقام پر پہنچنے میں بیس سے پچیس منٹ کم وقت لگا۔
شہریوں سے درخواست ہے کہ وہ دیے گئے متبادل راستوں کا استعمال کریں اور ٹریفک افسران کے ساتھ مکمل تعاون کریں۔ مزید معلومات یا کسی اپ ڈیٹ کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں تاکہ اپنی آمدورفت آسان اور محفوظ بنا سکیں۔
