پاکستان تحریک انصاف کے مرکزی جنرل سیکریٹری سلمان اکرم راجہ نے اسپتال میں پارٹی کے وائس چیئرمین شاہ محمود قریشی کی عیادت کی اور اُن سے اہم ملاقات کی۔
ملک کےبیشترعلاقوں میں موسم خشک، بارش کہاں؟ اہم پیشگوئی
مطابق شاہ محمود قریشی کی اسپتال منتقلی اور علاج کے بعد سلمان اکرم راجہ، شوکت بسرا اور ظہیر بابر کے ہمراہ اسپتال پہنچے جہاں انہوں نے قریشی سے ملاقات کی اور خیریت دریافت کی۔ ملاقات کے دوران دونوں رہنماؤں نے موجودہ سیاسی صورتحال پر تفصیلی تبادلہ خیال بھی کیا۔
چند روز قبل پاکستان تحریک انصاف کے سابق رہنماؤں فواد چوہدری، محمود مولوی اور عمران اسماعیل نے بھی شاہ محمود قریشی سے اسپتال میں ملاقات کی تھی۔ ملاقات کے بعد انہوں نے موجودہ پی ٹی آئی قیادت پر تنقید کرتے ہوئے بانی پی ٹی آئی کی رہائی کے لیے تحریک چلانے کا اعلان کیا تھا۔
فواد چوہدری کا کہنا تھا کہ پاکستان اس وقت عالمی سطح پر کامیابیاں حاصل کر رہا ہے، ایسے میں داخلی سیاسی استحکام ناگزیر ہے۔ انہوں نے امید ظاہر کی کہ تمام سابق رہنما سنجیدگی سے بانی پی ٹی آئی کی رہائی کے لیے متحد ہو کر کامیاب تحریک چلائیں گے۔
