پنجاب میں وقف، ٹرسٹ اور کوآپریٹو سوسائٹیز کی نگرانی کے لیے نیا کمیشن قائم کر دیا گیا ہے، جو ان اداروں کے مالی اور انتظامی معاملات کی مکمل نگرانی کرے گا۔
وائٹ ہاؤس میں صحافیوں کے داخلے پر نئی پابندیاں عائد
ذرائع کے مطابق کمیشن کو یہ اختیار حاصل ہوگا کہ وہ وقف املاک، فلاحی ٹرسٹس اور سوسائٹیز سے مالی ریکارڈ، آڈٹ رپورٹس اور اکاؤنٹس طلب کر سکے۔ اگر کسی ادارے میں غیر شفاف سرگرمیوں یا بدعنوانی کی شکایت موصول ہوئی تو کمیشن انکوائری کرے گا، اور خلاف ورزی ثابت ہونے کی صورت میں متعلقہ ادارے کی رجسٹریشن منسوخ یا معطل کی جا سکے گی۔
نئے نظام کے تحت صوبے کے تمام وقف، ٹرسٹ اور سوسائٹیز کا ڈیجیٹل ڈیٹا بیس تیار کیا جائے گا، جس میں ہر ادارے کو اپنے اصل مالکان کی تفصیلات فراہم کرنا لازمی ہوگا۔
یہ نیا ایکٹ منی لانڈرنگ، دہشتگردی کی مالی معاونت اور غیر قانونی رقوم کی منتقلی جیسے جرائم کی روک تھام میں معاون ثابت ہوگا۔
کمیشن کے چیف ایگزیکٹو آفیسر کو تین سال کے لیے تعینات کیا جائے گا، جبکہ کارکردگی کی بنیاد پر اس کی مدت میں دو سال کی توسیع دی جا سکے گی۔
